كاشير سريع.. والعميل مايستناش
فاتورة في ثواني، طابور أقصر، وعميل راجعلك تاني.
- امسح وخلّص: باركود عادي، باركود الميزان، وكود الـ DataMatrix اللي على علب الدوا، كله بيتقري من أول مرة.
- زراير سريعة للأصناف الأكتر بيعاً من غير بحث.
- بيع بالعلبة أو بالشريط: البرنامج بيحسبها صح ويخصمها من المخزون صح.
- كل طرق الدفع: كاش، فيزا، آجل، تأمين، وقسائم الولاء، وتقدر تقسم الفاتورة على أكتر من طريقة.
- المرتجع مربوط بالفاتورة الأصلية، والمخزون والخزنة بيتظبطوا لوحدهم.
- عميل رجع؟ اكتب رقم تليفونه أو الزقه من الواتساب، والبرنامج يلاقيه على طول حتى لو فيه مسافات أو أرقام عربي.
- فواتير معلقة وعروض أسعار: احفظ الفاتورة وكمّلها بعدين، أو اطبع عرض سعر.
- صمم الإيصال بلوجو صيدليتك، واطبع سعر العلبة بعد الخصم عشان العميل يشوف هو كسبان قد إيه.
مخزون مظبوط.. وفلوس مش نايمة على الرف
تشتري اللي بيتباع، وتلحق اللي هيخلص صلاحيته قبل ما يبقى خسارة.
- كل صنف بتاريخ صلاحيته ورقم تشغيلته، والبيع بيطلع الأقرب في الصلاحية الأول.
- تقارير بالأصناف اللي قربت صلاحيتها، واللي ممكن تخلص صلاحيتها قبل ما تتباع بمعدل البيع الحالي.
- جرد كلي أو جزئي، وتقرير بالفرق بالكمية والقيمة.
- أكتر من مخزن: حرّك البضاعة بين المخازن جوه الفرع بسهولة.
- التركيبات: بيع مستحضر مركب، والبرنامج يخصم مكوناته من المخزون أوتوماتيك.
- أداة بتنضف قايمة الأصناف من الحاجات اللي مابقتش بتتحرك، بعد ما تراجعها وتوافق.
نواقص وطلبيات بالعقل مش بالتخمين
متخلصش من الصنف المهم، ومتكدّسش الصنف اللي مش بيتباع.
- تقرير نواقص ذكي: نواقص يومية، نواقص مورد معين، حقيبة المورد، والنواقص العامة.
- نواقص أي فرع في السلسلة، مش فرعك بس.
- البرنامج بيقترح الكمية المطلوبة على حسب البيع الفعلي.
- اللي اتطلب ومجاش بيرجع لأول التقرير لوحده عشان ماتنساهوش.
- من التقرير لأمر الشراء بضغطة: علّم على الأصناف وحوّلها لأمر شراء أو اطبعها أو افتحها إكسيل.
- فواتير المشتريات والمرتجعات وتسويات الموردين في مكان واحد، وتنبيه لو سعر التكلفة اتغير.
سلاسل الصيدليات: كل الفروع كأنها فرع واحد
بضاعة بتتحرك للفرع اللي محتاجها، وإدارة بتشوف كل حاجة من مكان واحد.
- سحابة لكل السلسلة: بيانات كل الفروع متزامنة لحظياً.
- رصيد الصنف في كل الفروع: العميل طلب صنف مش عندك؟ اعرف فوراً أقرب فرع عنده.
- طلب بضاعة من فرع تاني، والبرنامج يتأكد إن الفرع التاني عنده الكمية قبل ما يبعت.
- تنبيه بصوت وتتبع للطلب: مستني، اتجهز، اتصرف، اتاستلم، أو اترفض وليه.
- لو الفرع مارادش على الطلب في الوقت اللي إنت محدده، البرنامج بيفضل ينبهه لحد ما يتصرف.
- اطلب مندوب توصيل من التنبيه نفسه بعنوان الفرع الصح.
- إعدادات وصلاحيات مرة واحدة لكل الفروع: غيّر من الإدارة وطبّق على فرع أو كل الفروع في ثواني.
- شريط أخبار: ابعت عروض وتعليمات وأصناف جديدة لكل الفروع أو لفروع معينة.
اسأل الذكاء الاصطناعي عن صيدليتك
بدل ما تدوّر في التقارير، اسأل بكلامك العادي.
- اربط بيانات سلسلتك بـ Claude أو ChatGPT أو Gemini بأمان، قراءة بس.
- اسأل: "إيه أكتر 10 أصناف ربحاً الشهر ده؟" أو "أنهي فرع مبيعاته نزلت عن الشهر اللي فات؟" وخد الإجابة في ثواني.
- بتسجل دخول على صفحة فارمافلاي نفسها، وكلمة السر عمرها ما بتوصل للمساعد.
إزاي تربطه ←
API لأنظمتك
بيانات صيدلياتك في لوحات المتابعة والأنظمة اللي بتستخدمها.
- تقارير المبيعات والأرباح والمشتريات والمخزون والعملاء والمصروفات والفروع بصيغة JSON.
- تقرير واحد يجمع كل فروع السلسلة أو فروع تختارها.
- خادم MCP للمطورين اللي بيبنوا مساعدات ذكية على بيانات الصيدلية.
دليل المطورين ←
توصيل وكول سنتر
طلبات التليفون والتوصيل منظمة، والعميل بيوصله طلبه أسرع.
- إظهار رقم المتصل: أول ما العميل يتصل، بياناته وعنوانه وآخر طلباته قدامك.
- متابعة طلبات التوصيل المفتوحة في فرعك.
- كول سنتر مركزي: الطلب بيتسجل مرة ويروح للفرع الأقرب بنفس الخصومات المتفق عليها، ومتابعة الطلبات في كل الفروع.
- ربط مع شركات المناديب لطلب مندوب أوتوماتيك.
عملاء الآجل والتأمين والشركات
فلوسك عند الشركات محسوبة بالمليم، والمطالبات بتطلع من غير سهر.
- حسابات آجل لكل عميل بحد ائتمان وخصم متفق عليه.
- شركات التأمين والعملاء التابعين لها، وكل عميل تابع بياخد شروط شركته أوتوماتيك.
- إيصال بالمبلغ المستحق على العميل يتطبع مع الفاتورة.
- مطالبات شركات التأمين جاهزة للطباعة والإرسال، وكشف حساب ومتابعة سداد لكل عميل.
خصومات تحت السيطرة
تدّي خصم يكسبك العميل.. من غير ما يخسرك الربح.
- حد أقصى للخصم، وممكن يكون متدرج حسب قيمة الفاتورة.
- خصم متفق عليه لكل عميل، ولكل قسم أو فئة أصناف.
- البرنامج بيرفض أي خصم أكبر من المسموح، حتى لو الكاشير خرج من الخانة بالماوس.
- عروض وخصومات على أصناف معينة لفترة محددة.
برنامج الولاء وإدارة علاقات العملاء (CRM)
العميل اللي بيشتري مرة يرجع كل مرة.
- نقاط على كل فاتورة بتتحول لقسيمة شراء، بحد أدنى ومدة صلاحية إنت اللي بتحددها.
- لوحة عملاء: الجداد، النشطين، واللي بطلوا يشتروا من 90 يوم.
- تقسيم العملاء ووسوم: اعرف مين عميل الأمراض المزمنة ومين عميل التجميل.
- حملات واتساب و SMS لشريحة معينة بضغطة، وتذكير العميل بميعاد علاجه الشهري.
- دمج العملاء المكررين عشان كل عميل يبقى ليه ملف واحد.
الجملة والمناديب
بيع الجملة وتحصيله ومتابعة المناديب في نفس البرنامج.
- شاشة بيع جملة مخصوصة، واستيراد الطلبية من إكسيل، وأسعار جملة وموزع لكل صنف.
- هدف مبيعات وتحصيل لكل مندوب، وشرايح عمولة حسب نسبة التحقيق، وخصم على المديونيات المتأخرة.
- متابعة الشيكات بتقويم الاستحقاق، والتحصيل من العملاء.
الفاتورة والإيصال الإلكتروني وتتبع الدواء
ملتزم مع الدولة من غير ما تفتح موقع ولا تكتب حاجة مرتين.
- الإيصال الإلكتروني (ETA): كل فاتورة بيع بتتبعت لمصلحة الضرائب أوتوماتيك.
- الفاتورة الإلكترونية لعملاء الجملة والشركات.
- منظومة تتبع الدواء: قراءة كود الـ DataMatrix على العلبة وربطه بالمنظومة من شاشة البيع. إيه المطلوب من صيدليتك؟
- تقرير ضريبة القيمة المضافة جاهز للإقرار الشهري أو الربع سنوي.
- وبيشتغل كمان مع أنظمة دول تانية، زي ZATCA و RSD في السعودية و TotalVFD في تنزانيا.
خزنة ووردية من غير عجز
تعرف كل جنيه دخل وخرج، ومين المسؤول عنه.
- فتح وقفل وردية لكل كاشير، وعدّ الخزنة بالفئات.
- متابعة العجز والزيادة لكل كاشير في كل شهر.
- مصروفات وإيرادات، تحويلات خزنة، وحركة الشيكات، ودليل حسابات وقائمة دخل وميزانية.
تقارير بتقولك تعمل إيه.. مش بس أرقام
قرارات مبنية على أرقام حقيقية في دقيقة.
- لوحة متابعة ومراقبة المبيعات لحظة بلحظة.
- تقارير موحدة لكل السلسلة أو لأي فرع.
- تقويم المبيعات الشهري والسنوي بالرسوم البيانية ومقارنة بالفترات اللي فاتت.
- أرباح المبيعات لكل صنف وقسم ومورد، وتحليل ABC للأصناف اللي بتجيب 80% من فلوسك.
- أعمار المخزون الراكد، ودوران المخزون وأيام التغطية.
- تحليلات الصنف بنظرة واحدة: بيتباع ولا راكد، نسبة الربح، المرتجع، ورسم لآخر 12 شهر.
- أي تقرير يتطبع أو يتفتح إكسيل.
الموظفين والصلاحيات
كل حد بيعمل اللي يخصه بس، وأي تعديل معروف مين عمله.
- بيانات الموظفين، الحضور والانصراف، الإجازات والسلف، والمرتبات ومكافأة نهاية الخدمة.
- رقم سري لكل موظف: كل فاتورة وخصم وحذف متسجل باسم اللي عمله.
- صلاحيات تفصيلية لكل مستخدم.
- طبّق الصلاحيات على مستخدمين في فروع تانية مرة واحدة.
- سجل الحذف، وزرار (i) جنب كل صنف وعميل ومورد بيوريك آخر تعديل ومين عمله.
تطبيق موبايل وصيدليتك في جيبك
تابع من أي مكان.
- تابع الورديات والمبيعات من الموبايل.
- ابعت مهام ورسايل للموظفين، ومرفق بيها العميل أو الصنف أو الفاتورة المقصودة.
طباعة الملصقات والجرعات
شكل احترافي وأمان أكتر للمريض.
- مصمم ملصقات باركود لأي طابعة.
- ملصق الجرعة: اطبع طريقة الاستخدام على علبة الدوا.
- مصمم للإيصالات والفواتير بلوجو وبيانات صيدليتك.
بلغتك، ومتحدّث أول بأول
برنامج بلغتك، وكل جديد بيوصلك.
- واجهة عربي كاملة من اليمين للشمال، وإنجليزي، وأكتر من 10 لغات تانية.
- شاشة "الجديد في البرنامج" بتعرّفك كل ميزة جديدة أول بأول.